Hustisya sa Bayan KO

Namumuhay sa mundo,

Nakataob ang sikmura sa gulo.

Mga mata'y dilat sa kawalan,

Sabog ang sistema ng katauhan.



Walang nakaririnig sa ungol ng aba,

Madilim ang paligid sa tinubuang lupa.

Liwanag na sana'y sa lahat sisilay,

Masaklap man, ngunit sa ginto lamang sumisikat.



Tagtuyot...

Kamatayan sa mga totoo.

Dumaing...

Walang didinig.



Tama na,

Suko na!

Hugutin ng mga sakit,

Wakasan ng hinagpis!

Sistema

Kalyeng maiingay,

Posteng makukulay.

Botoha'y pasapit sa aming bayan,

Kaya't si Pedro'y tumutulay sa bahay-bahay.



Nangangakong serbisyo'y totoo,

Iluklok mo'y magiging kakampi mo.

Talsik laway sa pagkanta,

Ututang dila'y umepekto sa mga ugok na makakata!



Ngayo'y Pedro nga ay nanalo,

Kababuyan inihandog sa bayan ko!

Yinurakan yaong makasaysayang lupain,

Binutas dating bulsang kumikilansing.



Kawawang nayon ko,

Ngayo'y nginungudngod ng hayop na Pedro!

Nasaan na mga tinaga ni Pedro sa bato?

Naglahong parang bula ng siya na'y nasa trono.