Masaya ako, nakangiti ako,
Ngunit ito nga bang totoo?
Pintig ng puso'y lumalaban,
Hanggang kelan nga ba makikipagbuno?
Nangangapa sa dilim,
Napapatid sa mga ding-ding.
Patuloy pa ba akong magpapanggap,
Maskara'y kelan mawawasak?
Dugo ng kahapon kelan mapupunasan?
Anino ng dilim kelan ba matatakasan?
Haharapin ko ba at siya'y titiklop?
Salita ng puso'y dapat bang hayaan sa sigalot?
Ilista sa tubig siya na bang sapat,
Upang kasarinla'y muling makamtan?
Magulo ang mundo,
Malabo ang takbo.
Pagtupad sa pagbuka ng punla,
Siya nga bang magiging sagot?
Titigil na ba ang mga luha,
Sa pagtatampo sa kanyang espirito?
No comments:
Post a Comment