Maaari ba akong magtanong,
Sa radyong walang senyales ng pagkatino?
Kung sakaling ako'y bubulong,
Aayos bang radar at ako'y masasagot?
Kulang lang ba sa kalampag?
O buhay talaga'y malapit ng magwakas?
Kelan ba mamamahinga,
Kelan ba magpapaubaya?
Ngayon isip ay gulong-gulo,
Ingay lamang ang siyang tumatakbo.
Hampas ng hangi'y siya pang mainam,
Kaysa ulangingawang kaluskos ng kalabuan.
No comments:
Post a Comment